Palusot

inabtik nga pagpangitag buslot,
sabakon sa hunahunang manguot,

dili kini magpapiog, dili motugot mahulog,
sa kutihang mata ug magdilaab nga pangutana,

dili gayud magpasugba, may magliraw ang mata,
may maghilakhilak apan sekreton’g mokatawa,

may magpalimotlimot, kay diay iyang mga kamot,
nasakpang nanghilabot, nagunitan sa mas dako’g kamot,

daghan gayud ang magpalusot, katarungan ipanglukot
lamasan ug nawong pinakunot, tan-awon magkulismaot,

buhaton ang tanan, aron lang malutsan, malikayan,
palusot, dangpanan sa idlas nga binuhatan…

Source: Blog Site of Atty. Lobedica