Turn-Over Ceremony sa 15 Motorcycles

Gipahigayun niadtong Mayo 20, 2015 adlawng Miyerkules, ang Turn-over Ceremony sa 15 ka mga bag-ong motorsiklo ngadto sa mga Cebu City Traffic Enforcers. Human kini mabendisyoni, kini gihatag gyud dayun ni Cebu City Mayor Michael L Rama.

Matod ni Joy Tumulak, operations head sa Cebu City Traffic Operations Management kon CITOM, ang mga bag-ong motorsiklo gigahinan og budget sa kagamhanan nga nagkantidad og 1.5 milyones ka pesos.

Sa pagkakaron, 15 ang una nga gihatag ug aduna pay laing umaabot nga gikan gihapon sa kagamhanan karong tuiga.

Kasagaran sa mga nahatagan mao ang mga troubleshooters ug bisan pa man humana ang ilang oras sa trabaho, andam gihapon silang mo serbisyo 24 oras ilabi na sa mga emergencies.

Dugang ni Tumulak, dakong tabang ang mga bag-ong motorsiklo sa mga traffic enforcers ug unta mas madungagan pa ang ilang kakugi ug mas dali na ang ilang pagresponde sa mga problema sa kadalanan susama sa traffic. (Cebu City Public Information Office)