Tigmo, Tigmo, Tigmo

sukaranan sa mga pangutana,
daghan ang mahingangha, mga mata magsiga,

tiaw mo bay daw sayon, apan lisod diay tugkaron,
mga pangutanang kon tubagon, ikaw libogon,

may mangaresgar ug tubag,
apan wala, kay naa ra kuno’s tumoy sa dila,

pangutana kining ang tubag wa didto,
wa diri, mangamote hasta mga hambogero,

“Sa iyang kabuotan, daghan pa diay’g tinaguan?”

“Ah sa kadato na niya, pordoy iya pa gihapong pahimudsan?”

“Ang ako, akoa, ang imo, akoa lang gihapon. Ngano man?’

dong ug day, ang tigmo, tigmo, tigmo,
mga pangutana kining makapalusno!!

Blogsite