Saktong Nutrition Para Walay Hypertension Pinaagi sa DASH Plan

Sumala ni Negros Oriental, ND II, Chutsvieka May Pacatang, HRH for Nutrition, ang hypertension o high blood pressure maoy usa sa mga hinungdan sa mga cardiovascular diseases nga mu-resulta sa stroke, ataki sa kasing-kasing, heart failure, aneurysm, ug kamatayon.

Ang pagkontrolar sa atong blood pressure pinaagi sa pagkaon ug mga masustansyang pagkaon sama sa prutas, utanon, whole grains, isda, manok, nuts, legumes, ug low-fat dairy products uban usab sa pag menus sa pagkaon og tam-is na ilimnon ug pagkaon mahimo natong paagi sa pag amping sa atong kalawasan.

Ang Dietary Approach to Stop Hypertension (DASH) mahimo natong giya sa pagkontrolar sa atong blood pressure.

Ang DASH nagrekomendar ug ideal limit sa konsumo sa sodium ana-a lamang sa 1,300 mg intake taga-adlaw, labi na ang mga hypertensive na mga pasyente.

Ang DASH plan usab naglimit sa pagkonsumo og mga sa saturated fatty acids and cholesterol. Gi-rekomendar sa DASH plan ang pagkonsumo og pagkaon nga puno sa potassium, calcium, ug magnesium ingon usab sa protein ug fiber.

Mao kini ang DASH plan diet batok sa hypertension:

– Pagkonsumo sa hustong pagkaon ug pagsunod ug healthy eating plan
– Minusan ang pagkaon nga taas ug sodium
– Pagkonsumo ug sakto kadaghanon sa potassium
– I-maintain ang saktong timbang
– Mag-ehersisyo
– Tumanon ang mga gisulti sa doctor ilabi na ang pag-inom ug tambal
– Minusan ang pag-inom ug ilimnong makahubog
– Likayan ang panigarilyo

Ang pag-amping sa atong kalawasan usa ka importanteng buluhaton. Pinaagi sa disiplina ug buhat makabaton kitag taas nga kinabuhi nga himsog. (ASC)