Public Warning: Pagbantay sa Baratong Broadband

Mipasidaan ang Philippine National Police (PNP) sa publiko batok sa mga gibaligya nga baratong broadband sa internet.

Sumala pa ni Elvira C. Bongosa, tigpamaba sa Philippine Information Agency(PIA)7, nga mipasidaan ang PNP-Anti-Cybercrime Group, nga daku ang posibilidad nga mga na-hack na ang maong mga wireless broadband nga gibaligya online.

Gani, midugang si Bongosa nga kun ikonektar kini sa computer, mahimong makuha ang mga mahinungdanong impormasyon sa naggamit sa maong computer.

Nagkanayon si Bongosa nga maoy tambag sa PNP nga magbinantayon gayud ug adto lamang mopalit sa mga otorisadong wireless broadband provider aron makalikay niining bag-ong pagpangilad.