PHL Midaug Isip ‘Destination of the Year’ sa TTG Awards 2014

Manila (PIA)–Gi-ila sa TTG Travel Awards 2014 ang Pilipinas isip “Destination of the Year”. Si Department of Tourism (DOT) kalihim Ramon Jimenez Jr. ang midawat sa maong award sa Centara Grand and Bangkok Convention Center sa Thailand niadtong Oktubre 2.

“This award belongs to all Filipinos. It is the Filipino people that have ensured the acceptance of ‘It’s More Fun in the Philippines’ as a true and accurate description of the participative and active role every Filipino plays in ensuring a successful and enjoyable visit to the Philippines,” matud pa ni Jimenez.

Nadawat sa Pilipinas ang signature trophy nga giingong gamay nga estatwa sa diyos sa pagbiyahe nga si Hermes nga motimbang og duha ka kilo ug gipotos og 24K nga bulawan.

Kawhaan og lima ka tuig nang gi-ila sa TTG Travel Awards ubos sa TTG Asia Media’s Travel Trade Publishing group ang mga nasud nga adunay malambuong turismo sa rehiyon.

Gi-isip usab ang TTG Travel Awards nga usa sa mga pinaka-prestihiyosong pasidunggog sa industriya sa turismo. (mbcn/ecb/PIA7-Bohol)

Image Credit: outoftownblog.com