Parol

Makalingaw nga talan-awon,
Dayandayan nga mabulukön,
Gipangtaptan ug papel de hapon,

Mangumbitay sa mga balay,
May dagko ug may gagmay,
Makapaturok kinig talidhay

May mag-indigay, magpadaghanay
Bisan kusi, dili gayud makabantay
Paghatag, pakigbahin sa nangindahay,

May mga kaldero’ng haw-ang,
Lundan ug bulsang hagip-ot ug niwang,
Paresa’g daguok sa aslom nga ginhawaan,

Kining tanan, maayong ihangad,
Itutok sa parol, nga nagkayabkayab
Mga kasingkasing mag-ambakambak

Maghandom makadawat ug pinaskohan,
Parol nga mapasigarbuhon, atong mahangdan
Makatambal sa kahidlaw ug kahaw-ang,

Diwa sa pasko atong ipakayab,
Kapamilya, kahigalaan, mga manag-uyab,
Kalipay’ng dala pagsud-ong sa parol ipangyabyab..

Blogsite