Paaway sa Kaka

dula kining tapuk-an sa mga bata,
suliyaw, abiba, ug may pakapin sabasaba,

may magbinukotay, magpinahitay,
tinuod kining makapawala sa kalaay,

may magtandayay, may makaayay,
ang uban moaray, sa natad sa panikaysikay,

paaway sa kaka hangpon ni dodong ug inday,
himoon kining inato nga kalipay, sa gahi nga lantay,

magtagay sa kalipay, bahala na’g bulsa magsusapinday
paaway sa kaka, maghatag kini ug dinaliang kalipay

walay tihiktihik nga paaway sa kaka,
buluhaton kining walay pagduka, hinimoay kini ug bata…

Blogsite