Micro Financing Nga P3, Ihulip sa ‘5-6’ Scheme

Usa ka micro-financing program nga pagatawgon og Pondo Para sa Pagbabago at Pag-asenso (P3) ang gitakdang ilusad sa Department of Trade and Industry (DTI).

Kini matud pa base sa direktiba ni Presidente Rodrigo Duterte nga ihulip sa ‘5-6’ money lending system. Matud pa ni DTI Kalihim Ramon Lopez, may gamay lamang kini nga interest rate aron mahimong maabot sa mga adunay gagmay nga negosyo.

Nag-unang tabangan niining programa ang mga micro-entrepreneur, argi-businessmen, tindera sa merkado ug miyembro sa mga kooperatiba. Matud pa nga may inisyal kining pondo nga P1 bilyon nga maggikan sa national budget.

Una kining ilusad sa 30 ka pinaka-kabos nga lalawigan sa nasod. (ecb/PIA7-Bohol)