Mga Direktor Rehiyonal sa DOLE Gimandoang Mo-Abag sa OFW

Si Secretary of Labor and Employment Rosalinda Dimapilis-Baldoz miluwat na og kamandoan sa tanang direktor rehiyonal sa Department of Labor and Employment (DOLE) sa 16 ka rehiyon sa nasud sa pagtabang kutob sa mahiabot nga mga overseas Filipino workers (OFWs) gikan sa Libya, Syria, Afghanistan, Iraq, ug Kenya.

Kining mga trabahanti nag-atubang og krises o emerhensya busa gikinahanglan silang ayudahan sukad sa ilang pagbiya didto sa nasud nga nahilista sa ibabaw hangtud sa adlaw sa ilang pagtugpa dinhi sa nasud.

Kini aron hapsay ang ilang pakig-uban sa ilang mga pamilya, ug sa komunidad.

“This ‘seamless’ assistance is already laid down under the Assist WELL Program under D.O. 139, series of 2014 which I have issued on 21 July. There is no reason for us to get an OFW complaint of not being assisted in their coming home to the Philippines,” matud pa ni Baldoz, sa iyang memo nga pagpahinumdom alang sa tukmang serbisyo ubos sa Assist WELL Program, nga usa ka bahin sa National Reintegration Program alang sa mga OFWs.

Ang kamandoan ni Baldoz gihimo human mahiabot sa nasud ang 52 ka overseas foreign workers (OFWs) niadtong Myerkules sa buntag sakay sa EK 336, ug mikabat na og 776 ang tanang gidaghanon sa mga namauli gikan sa Ligya sukad sa unang hut-ong niini nga mitugpa sa nasud niadtong Hunyo 11, 2014.

Subay niini gipasalig usab ni Baldoz ngadto sa mga gipapauli nga OFW ug sa ilang tagsatagsa ka pamilya nga ang mga buhatan sa DOLE ug kaubang mga ahensya niini andam nga motabang kanila pinaagi sa serbisyong pinansyal ug trabaho.

“Ang Philippine Overseas Employment Administration, OWWA, National Reintegration Center for OFWs, Bureau of Local Employment, Bureau of Workers with Special Concerns, TESDA, International Labor Affairs Bureau, Labor Communications Office, ug ang tanang DOLE Regional Offices naghiusa sa paghatag og hinabang ngadto sa gipapauli nganhi nga OFW,” sumala ni Baldoz.

Ubos sa Assist WELL Program,tanang gipapauli nganhi nga OFW gumikan sa gubat ug uban pang matang sa emerhensya gitanyagan og:

* WELFARE ASSISTANCE, nga maglangkob sa ila pa lang pagtugpa sa airport, temporaryong puloy-anan, sakyanan paingon sa ilang pinuy-anan, emerhensyang tabang medical, ug stress debriefing.

* EMPLOYMENT ASSISTANCE, nga mopahigayon og job placement/referral alang sa local ug overseas employment, ug competency assessment and certification alang sa repatriated workers.

* LIVELIHOOD ASSISTANCE, nga maglakip sa entrepreneurial development training, livelihood skills training, hands-on business mentoring and support, ug business loan assistance.

* LEGAL ASSISTANCE nga maglakip sa provision bahin sa legal advice, conciliation proceedings, paghikay sa mga reklamo o kiha sa mga kasong may labot sa illegal recruitment ug uban pang kalapasan.