Libreng Sakay Hangtod Hunyo 15 Nalang

Ang libreng sakay na gitanyag sa Service Contraction Program kutob nalang sa Hunyo 15.

Ang libreng sakay, programa sa Department of Transportation (DOTr) ug gi-implementar sa Land Transportation Franchising and Regulatory Board (LTFRB).

Ang programang libreng sakay ana-a na sa ikatulo ug ulahing hugna nga nakaserbisyo na ug labaw sa 10 milyones na pasehero gikan pagsugod sa programa.

Adunay 709 na Public Utility Vehicles ang nag-operate sa 51 ka mga ruta sa Cebu City, Lapu-Lapu City, Cebu Province, Bohol, ug Dumaguete City.

Ang libreng sakay nakatabang sa mga pasahero labi na karong pandemniya ug pag saka sa presyo sa gasolina.

“Dako kayng tabang ang libreng sakay kay makasave ka sa plete labi na layo-layo sa imung trabahoan,” matod ni Jane.

Namugna ang libreng sakay program sa DOTr ug LTFRB tungod sa panginahanglan sa transportasyon labi na karong pandemya. (ASC)