Kinaiya

Hiyas nga timailhan,
salamin sa binuhatan,
dili mapalit sa tindahan,
Sukdanan sa binuhat,
kon haom bang magpaliwat,
bahala’g panagway apiki,

Basta’s kinaiya dili alkanse,

kini ang pinakaimportante,
may pipilang dili mahimutang,

Sugo sa mata ang paundayonan,

panagway ug bulsa ang sukdanan,
maayong kinaiya kuno kinaraan,

Labyoglabyog nga linaktan,

pilok ug kilay kinortehan,
wait pula, buhok nga kinuluran,

Siguruon, basta guwapa lang,

paglabay sa pipila ka bulan,
molubad, daw singsing sa Taboan,

Linabayay ug plato,

binuk-anay sa baso,
panaglalis kanunay’ng mag aso-aso,

Ang tanang makita sa mata,
haguka, luag ug mabaw ra
kon tinuod nga kinaiya molutaw na…

Source: Atty. Lobedica’s Blog Site