Opinions
Habalhabal
sakyanang pawala sa kalaay,
maghaguros samtang mga sakay,
usa, duha, tulo, pagkadaghan’s kinabyunay
hugot nga magaksanay ug magkinuptanay,
sa baga’ng abog sila manghilam-os,
magkabasa, magkamuritsing sa ulan ug unos,
molusot, mopalusot ug mouliot,
mosungasong sa pinakatuyuong suok,
“habalhabal mo day ug dong!, Sakay na, inyong oras atong apason!”
pagkaalegreha, habal habal dangpanan
sa taknang magkabuang ug maapekehan,
lahi kini sa pulong habal nga bantayanan,
sagad ikaw makapanawag ug mananabang,
sakay kini sa lawom nga kamingaw,
sabakon ug hagawhaw sa kalipay’ng makatagbaw,
nindot, walay plete, walay kuti,
libreng sakay kini nga mangorente,
ikaw ayudahang makab-otan ang utlanan,
mga inday, mga dodong, siguradoha, paminawa,
kana gayo’ng sakyanan nga naay pletehan,
kini ang sakyanang magbahis sa kadalanan,
“Habalhabal mo Day ug Dong! Inyong oras atong apason!”
