Gaba

Kini usa ka sangpotanan,
sa hiwi ug lang-og nga binuhatan,

tinuod ang pagkatawhanon,
timaan sa atong pagkamasalaypon,

kon dili ka gustong mahiagom,
likayi ang pamintaha ug panglimbong,

ang imong kabugalbugalon,
makaunay, ikaw usab patilawon,

kon gaba muabot nga dili magsaba,
hilomon usab ang mga baba,

sa nakakita’s naigo sa gaba,
sila manghiwi, managuto, mamikat,

samtang mag-inusarang magpas-an sa kabug-at,
mag-antos sa konsiyensang nagpiratpirat,

kon hangin sa gaba mosapigad,
kini mohampak bisan pa’g wala ka manghagad..

Blogsite