DENR 7: ‘Migratory Birds’ sa Olango Namiligro

* Mga “migratory birds” o mga langyawng langgam namiligro karon batok pagpamusil, pagdakop og pagapatay
* Ang maong “migratory birds” usa sa makadani og Turista sa Syudad sa Lapulapu
* DENR 7 Regional Executive Director Dr. Isabelo R. Montejo miawhag nga protektahan ang mga migratory birds
* Nagkadaghan ang mga Bird Hunter nga makasulod sa 1,028-Hectare na Olango Island Wildlife Sanctuary (OIWS) sa maong Syudad

Ang Department of Environment and Natural Resources (DENR) 7 miangkon nga namiligro karon ang mga migratory birds sa Olongo Island sa syudad sa Lapulapu nga dugay nang nakadani og mga turista sa naasoy nga syudad.

Kini human masayri nga nagkadaghan na nga mga bird hunter nga mopusil, modakop ug mobaligya sa nahisgutang langyaw nga mga langgam sa sulod sa 1,028-hectare Olango Island Wildlife Sanctuary (OIWS) sa Lapulapu City.

Subay niini, si DENR 7 Regional Executive Director Dr. Isabelo R. Montejo mipalanog sa iyang awhag sa publiko nga protektahan ang mga migratory birds gikan sa pagpamaligya, pagdakop ug pagpatay niini.

Nasayran nga gawas sa Olango island may lain pang mga lugar sa Central Visayas nga tugpahanan sa mga langgam gikan sa gawas.

Midugang si Montejo nga sa 97 ka klase nga langgam sa OIWS, 48 niini ang migratory species samtang ang uban mga resident birds sa naasoy nga isla nga nanginahanglang protektahan ug i-maintainar sa DENR 7.

Dugang pa ni Montejo nga base sa record sa ilang buhatan ang mga langgam nga anaa sa bird sanctuary sa Olango Island sa syudad sa Lapu-lapu gilangkoban sa: Chinese Egret s Little Egret, Little Heron, Grey Plover, Kentish Plover, Greater Sand-Plover, Far Eastern Curlew, Eurasian Curlew, Whimbrel, Bar-tailed Godwit, Common Redshank, Common Greenama sa shank, Common Sandpiper, Terek Sandpiper, Grey-tailed Tattler.

Laing matang mga langgam sa Olango mao ang Ruddy Turnstone, Asian Dowitcher, Great Knot, Rufous-necked Stint, Curlew Sandpiper, Gull-billed Tern, Whiskered Tern, Common Kingfisher, White-collared Kingfisher, Barn Swallor, Pacific Swallor, Yellow-vented Bulbul, Golden-bellied Flyeater, Pied Fantail, Brown Shrike ug Olive-backed Sunbird.