Coast Guard Naka-Heightened Alert

Naka-heightened alert na ang tibuok pwersa sa Philippine Coast Guard (PCG) sugod kagahapong adlawa, Disyembre 18.

Matud pa ni Commander Armand Balilo, tigpamaba sa PCG, adunay kalabotan niini ang gipaabot nga pagdagsa sa mga pasahero sa mga pantalan aron maka-biyahe paule sa ilang mga lalawigan karong Pasko ug Bag-ong tuig.

Apil sa gi-alerto ang mga operating units sama sa search and rescue, air assets, K-9 units ug mga vessel safety inspectors sa 72 ka stations ug 280 ka PCG detachments sa tibuok nasud.

Kalabot niini, subling gipahinomdoman sa Coast Guard ang mga shipping lines nga siguradohong walay overloading ug naa sa maayong kondisyon ang makina sa ilang mga barko, kumpleto sa mga gamit pangluwas ug maayong mga communication equipment.

Hingpit usab nga gibawal ang pagdala o pagbiyahe sa mga pabuto nga walay saktong permit gikan sa Firearms and Explosives Division sa Philippine National Police (PNP). (ecb/PIA7-Bohol)