Bonus sa mga Opisyal ug Empleyado sa GOCCs, Kunhoran sa Gobyerno

Target sa administrasyon ni Presidente Rodrigo Duterte nga kunhoran na ang mga ginadawat nga bonus sa mga opisyal ug empleyado sa mga Government-Owned and Controlled Corporation (GOCC).

Sa press briefing sa Malakanyang, gibutyag ni National Economic and Development Authority (NEDA) Kalihim Ernesto Pernia nga gitoki kini sa ilang unang Cabinet meeting karong tuig. Pasabot ni Pernia, gibayran og binuwan nga honoraria ang mga opisyal matag panagpulong nga ikaduha ipahigayon sa usa ka buwan.

Matud pa nga sa iyang nahibaw-an, mokabat sa P40,000 ang honorarium matag meeting, isip insentibo aron mas kanunayon sa mga board members ang meetings.

Giingong angay kausa na lamang matag kwarter magpulong ang mga opisyal sa GOCCs, sama sa normal frequency sa mga board meetings. Matud pa nga gikunsiderar nga murag pribadong sektor ang mga GOCCs aron sila mahimong competitive, apan giingong angay limitahan na ang ilang mga bonus.

Dugang pa ni Pernia, angay himuon na usab nga performanced-based ang bonus nga madawat dili lang sa mga opisyal apan apil na ang mga regular nga empleyado sa GOCCs. (ecb/PIA7-Bohol