P3000 Pinansyal nga Ayuda Alang sa mga PWD Ipanghatag karu’ng Myerkules

Human nakadawat ang mga senior citizen sa ilang pinansyal nga ayuda niadtongg Marso, ang kagamhana sa dakbayan sa Sugbu muhatag na usab ug financial assistance sa kapin 8,000 nga mga persons with disability (PWD) kon PWD.

Matod pa ni City Administrator Atty. Jose Marie Poblete makadawat sa ilang financial assistance ang mga PWD sa kantidad nga P3, 000 matag usa karong umaabot nga Miyerkules Mayo 15, 2013 sa Plaza Sugbu atubangan sa Cebu City Hall.

Ang P3,000 nga pinansyal nga ayuda sa mga PWD, partial pa lamang karong tuiga human giusbawan ni Cebu City Mayor Michael L. Rama ang ilang tinuig nga financial assistance gikan sa P3, 000 ngadto sa P5, 000.

Matod pa sa hepe sa Department of Social Welfare and Services (DSWD) nga si Dr. Ester Concha ang mga PWD sa South District ang hatagan sa ilang pinansyal nga hinabang sa buntag sa Miyerkules ug ang sa North District inig hapon sa samang adlaw.

Mokabat sa P24, 780, 000.00 ang kinatibuk’ang kandtidad nga gigahin sa dakbayan alang sa pinansyal nga ayuda sa PWDs.

Adunay di mominus 12,000 ka mga PWD ang narehistro isip botante sa dakbayan apan 8,260 lang ang mga lehitimong PWD nga makadawat sa maong assistance samtang gipaabot pa ang uban nga mga PWD nga makasumiter sa ilang mga requirements aron sila matugutan sa pagdawat sa maong benepisyo.

Tumong sa maong lakang mao ang pagsiguro nga ang mga lehitimong beneficiaries lang ang mahatagan sa maong financial assistance ug susihon kon wa pa ba namatay o kaha nibalhin sa laing lugar dinhi sa Pilipinas.(Press Release from Cebu City Public Information Office)