Brigada Dili Pugos, Walay Kolektahong Tampohon

Tagbilaran City (PIA) — Sa nagpadayon nga Brigada eskwela sa tanang tunghaang pangpubliko sa lalawigan, giaphinumdom sa Department of Education: dili pugos ang pagtambong ug walay tampohan nga pangayoon sa mga mingboluntaryo.

Kini maoy gipasabot ni Ivory Garces didto sa Kapihan sa PIA nga nagtuki sa Brigada Eskwela.

Pinaagi sa DepEd Order number 41, series of 2015, mipahimundom si Garces nga ang Brigada eskwela nagaduso sa boluntarismo moa nga ang pagsalmot sa mga kalihukan sa pagpahiuli sa mga eskwelahan, dili ipamugos ug dili usab himoong rason nga dili na maenrol ang bata kay walay ning boluntaryo alang niini.

Gawas pa, gibutyag sa DepEd pinaagi sa susamang mandu nga walay balayranan alang sa Brigada eskwela ang kolektahon gikan sa mga moboluntaryo.

Gani, giaghap pa sa DepEd nagdto sa mga miboluntaryo nga wala makatapos sa pagtuon sa pagpalista aron mahi-apil sa Abot-Alam nga programa sa kagamhanan.

Ang Abot Alam, pasabot ni Garces, usa ka paagi nga ang mga wala na sa sakto nga edad nga mosulod sa mga elementarya ug buot mangitag kapanarbaho-an, ipailawom sa programang pagbansay aron makat-on.

Gipahinumduman usab sa DepEd ang mga principals ug mga supervisors nga mnagpatumansa Brigada sa dili pagdawat sa mga donasyon nga gikan sa mga kompanya sa tabako o sigarilyo.

Kini segun sa gilatid sa depEd Order No 6, series of 2012, nga nanagiya sa pagsagop sa pagpatuman sa palisiya sa pangpublikong Kasanihan, ilabi na sa pagpanabako. (mbcn/rac/PIA-7/Bohol)