Mga Opisyal sa LTO Gi-Revamp

Ang kadagkoan sa Land Transportation Office (LTO) mipatuman og paglahugay sa ilang mga opisyal nga nagdumala sa 19 ka LTO district branches dinhi sa rehiyon-7.

Kini agi og pagtuman sa kamandoan gikan ni Secretary Joseph Emilio Abaya sa Department of Transportation and Communication (DOTC).

Matud ni LTO-7 Regional Director Arnel Tancinco nga ang tumong sa pagbalhin sa maong mga opisyal ngadto sa laing puwesto kay ang ilang mga opisina himoan og audit sa dili madugay.

Si Tancinco miingon nga ipatuman dayon niya ang kamandoan sa DOTC Secretary.

Si Armando Avila adto na madistino sa LTO Carcar; Engr. Eugene Gador, LTO Mandaue; Adela Ybañez, LTO Talisay; Atty. Vicente Gador Jr., LTO-Toledo; Erwin Patalingjug, LTO-Tagbilaran; Fernando Bustillos, LTO Cebu City Licensing Office; Cynthia Duterte II, LTO Mandaue Licensing Center; Francisco Nailon Sr., LTO SM City; Macario Getaruelas, LTO Medellin; Sandre Rosendo Padriga ug Roland Ramos, (to report to LTO-7 Regional Office); Rosenda Esoy, LTO Tagbilaran.

Samtang sila si Maria Deanna Grace Nosdo, LTO Lapu-Lapu; Angeles Enoc, LTO Talibon, Bohol; Samuel Alabat Sr, LTO Jagna, Bohol; Alberta Janine Lawas, LTO Bayawan; Lourdes Villegas, LTO Bais City; Marliza Elesterio, LTO Dumaguete; Agnes Pinili, LTO-Robinsons, Dumaguete.