Balitang Nakasulod na ang Ebola sa Nasud, Gihimakak sa DOH

Manila (PIA)–Gihimakak sa Department of Health (DOH) ang migawas nga balitang may nakasulod nang kaso sa Ebola virus sa nasud.

Kini human mikatap sa social media nga usa ka gihinganlang Gemma Sheridan nga giingong usa ka opisyal sa DOH, ang nipahayag nga nakasulod na sa syudad sa Quezon ang makamatay nga sakit ug gisarado na sa publiko ang tambalanan nga gidalhan sa pasyente.

Matud pa ni Acting Health Sec. Janette Garin, walay kamatuoran kining maong balita ug nagpabiling Ebola-free ang Pilipinas.

Nanawagan usab si Garin sa publiko nga dili mag-panic ug dili dayon motuo sa mga mikatap nga balita gikan sa dili awtorisadong opisyal sa DOH.

Dugang pa ni Garin nga walay Gemma Sheridan sa talaan sa mga opisyal sa DOH ug sa ilang pagsusi, usa ra kini ka kaso sa pagpangilad. (mbcn/ecb/PIA7-Bohol)

Image Credit: huffingtonpost.com