BFAR Nanghatag og Pumpboats sa mga Gagmayng Mananagat

Dul-an na sa dos mil ka mga bangkang de motor ang napanghatag sa Bureau of Fisheries and Aquatic Resources (BFAR) sa mga gagmayng mananagat nga nabiktima sa bagyong Yolanda sa amihanang bahin sa lalawigan sa Sugbo.

Kini ang gibutyag ni BFAR assistant Regional director Allan Puquita, diin ang ilang napanghatag gilangkuban niining mosunod:

1. Bogo- 410 ka pumpboats
2. Medillen-278 ka pumpboats
3. San Remigio-170 ka pumpboats
4. bantayan island-157 ka pumpboats
5. Daanbantayan-119 ka pumpboats
6. Camotes island-109 ka pumpboats
7. Tabogon———–70 ka pumpboats
8. Tabuelan———-40 ka pumpboats
9. Tuburan———–40 ka pumpboats
10. Sogod————20 ka pumpboats

Gipadayag usab ni Puquita nga ang ilang buhatan adunay lig-ong tumong nga humanon pagpanghatag niini ngadto sa mga biktima sa bagyo sa dili pa moabut ang kasumaran sa bagyong Yolanda karung Nobyembre 8.

Matud niya nga mokabat sa dos mil ka mga pumpboats ang ilang gipunting nga mahatag sa mga gagmayng mananagat.

Gawas sa mga bag-ong pumpboats manghatag usab sila og mga pukot og taga.

Karung adlawa (Lunes) moduaw sila sa dakbayan sa Bogo alang sa laing hugna sa pagpanghatag og mga pumpboats sa mga benepisyaryong mananagat.