Kapitolyo Mihatag og Pahalipay sa mga Kawani sa PIB

Ang kagamhanan sa Kapitolyo mihatag og pahalipay sa 16 ka mga sakop sa Provincial Intelligence Branch (PIB) ubos sa liderato ni Supt. Rodulfo Albotra. Tag singko mil pesos ang kantidad sa cheke nga nadawat sa mga sakop sa PIB.

Gipahalipayan ang nahisgutang mga polis human sa ilang sunod sunod nga malampusong operasyon sa pagsumpo sa ginadiling drugas nga mikatap sa lalawigan sa Sugbo.

Si Supt. Albotra nagkanayon nga 48 ka mga suspetsado ang gidakop pinaagi sa warrant of arrest, samtang walo ang nadakpan pinaagi usab sa buy-bust operation.

Si Provincial Board Ive Meca, ang chairman sa committee on peace and order sa hunta provincial sa Sugbo, mibutyag nga ang labing dakong kalampusan sa PIB mao ang gihimo niining pag ronda sa mga suspected drug pusher sa lungsod sa Medillen.

Sa nasayran, ang lungsod sa Medillen Cebu ang grabing paghitak sa ginadiling shabu. Dugang ni Meca nga kontento siya sa performance sa PIB.