Probinsya Mangunay Pagpamutol sa mga Guwang nga Acasia

Moawhag si Gobernador Jun-Jun Davide III sa Department of Environment and Natural Resources (DENR) pagkansilar sa recall order alang sa pagpamutol sa mga guwang og masakiton nga punoan sa Acasia sa dakbayan sa Naga og silingang kalungsuran sa habagatan.

Kini ang giluwatang pamahayag sa gobernador sa iyang pagpakighinabi sa mga capitol reporters sa miaging semana.

Kon kahinumduman, ang DENR miluwat og recall order ngadto sa DPWH general services, office of the building officials og uban pang ahensiya nga maoy gitahasan pagputol sa nahisgutang mga kahoy.

Si Davide miingon nga dili paabuton sa DENR nga pangunanayan sa probinsiya sa sugbo ang pagpamutol sa mga Acasia nga guwang na og masakiton.

Matud sa gobernador nga unahon niya ang kaseguroan sa mga katawhan ilabina gyud ang kaluwas sa mga sumasakay nga mag byahean sa habagatan.