Davide Ipasusi ang Nagpundok nga Container Vans sa Pantalan

Si Gobernador Jun-jun Davide miingon nga iyang ipasusi ang daghang mga container van nga anaa karon sa mga puwerto sa sugbo.

Si Governor Davide miingon nga adunay daghang mga van nga napundo karon sa mga pier nga adunay sulod nga mga relief goods nga alang unta sa mga biktima sa bagyong Yolanda.

Miingon si Davide nga wa tugoti nga mapagawas ang maong mga goods sanglit wapa kini kabayari ang bill of leding sa maong mga kargamento.

Apan iyang gipasabot nga adunay exemption sa buwis ang mga goods nga ang intensyun alang sa hinabang sa mga kabos ilabi na sa panahon sa trahedya.

Nagkanayon si Davide nga mohimo siya og mga lakang aron ma-release ang mga relief goods nga napending sa pantalan.

Ang maong mga relief goods gikan kini sa nagkalain-laing mga grupo sa pilantropo aron unta ipanghatag ngadto sa mga biktima sa trahedyang Yolanda.