MGB7 Mipatak-op sa Gold Mine sa Negros

Gipatuman sa Mines and Geosciences Bureau (MGB) 7 sa Department of Environment and Natural Resources (DENR) ang giluwat nila nga cease and desist order (CDO) batok sa illegal gold mining and processing operations sa Barangay San Franscisco, Santa Catalina, Negros Oriental.

Si MGB 7 Regional Director Loreto B. Alburo nagkanayon nga si Santa Catalina Mayor Nathaniel Electona na mismo ang nagpatuman sa ilang closure order sa operasyon sa dili muminus 12 ka mga ball o rod mills nga maoy gigamit sa pagpanguha og bulawan sa naasoy nga lugar.

Matud pa ni Alburo nga kaniadto pang Abril ug Mayo gihangyo sa MGB-7 si mayor Electona nga ipasira ang nahisgutang nga gold mining and processing operations sa Barangay San Franscisco tungod kay nakahatag kini ug hulga sa kinabuhi sa mga tawo nga nagpuyo duol sa maong lugar.

Tungiod kay wala pa kini makakuha og permiso , labing namiligro usab ang mga trabahante niini, matud pa ni Alburo. Aron pagsiguro nga mapatuman gyud ang maong closure order ug sa pagbungkag sa mga ekipo sa naasoy nga gold mining and processing operations, si Alburo miawhag sa Armed Forces of the Philippines (AFP) ug ang Philippine National Police (PNP) sa maong lugar sa pagkuyog kang mayor Electona.

Nasayran sa imbestigasyon sa MGB-7 nga nga among minahan migamit og mercury sa pagkuha sa mga gold ngadto sa 500 ka ektaryang luna sa Sitio Damuyog, Kabuyonan ug Bancolino sa Barangay San Francisco, Sta. Catalina nga kalapasan sa Executive Order No. 79, matud pa ni Alburo.