DA: Produksyon sa Uma og Dagat Misaka ning Tuiga

Ang produksyon sa humay, mais ug asukar misaka og 11.26 porsento sa unang tunga sa tuig sa 2014 ug napahimuslan usab sa mga negosyante ang maayong prisyo sa mga produkto gikan mismo sa mga kaumahan.

Ang sektor sa panguma misaka og 1.81 ang gidaghanon sa produkto niini ning tuiga, base sa rekord sa Philippine Statistics Authority (PSA).

Sumala sa PSA nga ang industriya sa panguma ug pangisda mikita og P776.5 bilyones sa kasamtangang prisyo niini, itandi sa P697.9 bilyones nga naposte sa miaging tuig nga milabay.

Ang humay, mais ug asukar nakabangon gikan sa pagsawom niini sa miaging tuig.

Ang ani sa humay mikabat og 8.38 milyones metriko tonilada, diin mas taas og 4.78 porsento kay sa ani sa miaging tuig nga mikabat lamang og 7.99 milyones metriko tonilada, sumala pa sa PSA.

Pinaagi sa gipalapdang kaumahan sa Kalinga didto sa Cordilleras, Capiz ug Cebu sa Visayas ug Sultan Kudarat sa southwestern Mindanao, ang produksyon sa asukar misaka og 5.11%, gikan sa 14.7 milyones ka tonilada ngadto sa 15.46 milyones ka tonilada.

Si Agriculture Secretary Proceso Alcala nagkanayon nga kining maong statistika nagpakita ang ang industriya sa agri-forestry nagpakita nga nakabangon na human sa bagyong Yolanda nga mihapay sa panguma ug sa pangisda.

“Tuloy-tuloy lang ang ating pagkayod para sa mabilis na pagbangon ng mga nasalanta nating kababayang magsasaka at mangingisda,” sumala ni Alcala. “We in the DA family will not allow weather and global market challenges, or man-made adversity like intrigues, affect our work,” dugang pa niya.

Tungod niini gipasabot ni Alcala nga ipunting niya sa sunod tuig ang mga programa alang sa pagpahigayon og mga kahimanan sama sa makinarya nga mao ang rice thresher, harvester ug transplanter nga mopaminus sa alakanse ug makaayo sa mga mag-uuma, mangingisda ug mga negosyante.

“Sa natitirang dalawang taon sa panunungkulan, asahan po ninyo ang mas ibayong pagkilos upang itaguyod ang ating mga pangarap para sa sektor ng pagsasaka at pangingisda,” matud pa ni Alcala.