SSS Sirado sa mga Holiday sa Agusto

Ang tanang buhatan sa Social Security System (SSS) sa tibuok nasud sirado sa mga pista opisyal niining buwan sa Agusto.

Sumala sa pahibawo sa SSS Media Affairs Department, nga sirado sila sa Agusto 21, Huwebes (Ninoy Aquino Day), ug Agusto 25, Lunes (National Heroes Day).

Bisan ang ilang mga buhatan didto sa Quezon City ug sa mga lalawigan sa Quezon ug Aurora sirado usab sa Martes, Agusto 19, agi og pagtamod sa Republic Act 6741 sa paghandom sa anibersaryo sa adlawng natawhan ni kanhi Presidente Manuel L. Quezon.

Ang mga membro sa SSS nga magpakisayud bahin sa ilang loan ug mga aplikasyon bahin sa ilang mga benipisyo, mahimong mosusi sa kahimtang niini pinaagi sa My SSS accounts.

Ang SSS Hotline dili usab matawgan sa iyang mga membro sa nahisgutang mga adlaw.