Coface: Pilipinas, Usa sa Milambo nga Nasud

Nasulod ang Pilipinas sa 10 “new emerging” countries nga adunay positibong kaugmaon sa paglambo, sigun sa French trade credit and insurance group nga Coface.

Sa taho sa French credit body nga gi-ulohang “COFACE IDENTIFIES 10 EMERGING COUNTRIES HOT ON THE HEELS OF THE BRICS”, giingong nakatala lamang og 3.2 percentage points nga average economic growth ang Brazil, Russia, India, China ug South Africa karong tuig.

Mas ubos kini kun itandi sa natalang paglambo sa ekonomiya sa maong mga nasud sa milabay nga 10 ka tuig.

Apan base sa taho, “at the same time, other emerging countries are accelerating their development. Among them, a ‘top 10’ emerges with good production prospects and sufficient financing to support expansion.”

Gi-base sa Coface ang pagtumbok sa top emerging countries sa nagkasaka nga paglambo ug “diversified and resilient economy” sa usa ka nasud bisan sa mga pagsulay ug katakos niining pundohan ang paglambo pa niini.

Gi-tunga ang 10 “new emerging countries” sa duha ka grupo: Colombia, Indonesia, Peru, Pilipinas ug Sri Lanka nga giingong adunay “sound business climate” (A4 or B), sama sa BRIC nga mga nasud sa kasamtangan.

Ang Kenya, Tanzania, Zambia, Bangladesh ug Ethiopia nga giingong adunay “very difficult o extremely difficult business environments”.

Ang ilang pagsaka mag-agad sa ilang kaugalingong merkado ug sa eksporte ngadto sa laing merkado sa gawas,_ matud pa ni Julien Marcilly, hepe sa country risk sa Coface.