DSWD Mang-Recruit og mga Kawani

Ang Department of Social Welfare and Development (DSWD), pinaagi sa Listahan o ang National Household Targeting System for Poverty Reduction (NHTSPR), mang-hire ug mobansay sa 1,245 ka staff nga mopahigayon og special validations alang sa mga beneficiaries sa Social Pension sa Indigent Senior Citizens ug Modified Conditional Cash Transfer (MCCT) Program.

Si DSWD Secratary Corazon Juliano Soliman nagkanayon nga ipadala sila isip area coordinators, area supervisors, enumerators ug encoders.

Sa kinatibuk-ang gidaghanon sa nga staff nga patrabahoon, 878 niini ang ipadala nga mo-validate sa status sa 132,000 ka beneficiaries sa Social Pension nga wala sa listahan sa database, samtang 371 ang mo-assess sa mga potential beneficiaries alang sa MCCT Program.

Matud pa ni Soliman nga target sa DSWD nga iapil ang anaa sa 63,000 ka pamilya sa MCCT Program.

Ang Social Pension gi-implementar pinasubay sa Expanded Senior Citizen’s Act of 2010. Kini naghatag sa mga kwalipikadong benepisyaryo og P500 nga binuwang stipend aron idugang sa ilang pang adlaw-adlaw nga panginahanglan ug panginahanglang medical.

Samtang ang MCCT sa laing bahin, mohatag sa cash grants alang sa mga pamilya nga walay pinuy-anan, mga lumad o indigenous peoples (IPs) o kadtong nagpuyo sa lagyo na kaayong mga lugar basta motuman lang sila sa mga kondisyon nga gisitar sa balaod.

Ang DSWD Field Offices maoy mokuha og mga aplikante ug sa samang higayion mo-sala kanila sugod Abril 2014.

Ang mga interesadong aplikante mahimong moduso sa ilang aplikasyon sa labing duol nga buhatan sa DSWD o ngadto sa Social Welfare and Development Team Office.

Ang special validations magsugod sa ikaduhang kwarter sa 2014, matud pa ni Soliman.  (with Press Release)