Ekonomiya sa Nasud Molambo Pa – World Bank

Masaligon ang World Bank nga padayong molambo pa ang ekonomiya sa Pilipinas karong 2014 ug sa tuig 2015 taliwala sa dakung kadaot nga gibilin sa labing kusog nga bagyong Yolanda.

Matud pa sa World Bank nga posibleng molambo ang atong ekonomiya karong tuiga ngadto sa 6.6 porsyento ug 6.9 porsyento sa sunod tuig.

Gipasabot sa World Bank nga makatabang ang post-Yolanda reconstruction program sa gobyerno nga gibana-banang nagkantidad og $8 bilyones aron makunhoran ang negatibong epekto sa maong kalamidad sa atong ekonomiya.

Gawas niini, dalan usab sa kalamboan ang repormang gipatuman sa gobyerno aron moayo ang nagkalain-laing sektor sa nasud.