Konsehal: Lisensya, Dili Angayan Ibilin sa Gwardya

Wala makagusto si Konsehal Alvin Dizon sa pamaagi sa ubang tagdumala og mga subdivisions nga ang mga gwardya nga nagbantay sa “gate” mopabilin sa lisensya sa mosulod nga mga drayber sa taxi, private vehicles ug mga motor.

Matud ni Dizon nga ang balaod naglatid nga ang lisensya sa usa ka drayber kanunay g’yud nga huptan sa drayber kun magmaneho kini og sakyanan, bisan sulod sa subdivision.

Si Dizon miingon nga ang mga gwardya mahimong mopabilin og identification cards, apan dili ang lisensya sa drayber.

Ang balaod naglatid nga ang mga road enforcers lang sa Land Transportation Office (LTO) ang makakuha og lisensya sa drayber.

Tungod niini, giawhag sa konsehal ang kadagkoan sa Housing and Land Use Regulatory Board (HLURB) nga did-an ang mga tagdumala og subdivision sa paghimo niining mao nga pamaagi.

Image Credit: www.manilaspeak.com