Pag-Ibig Fund Mipalig-on sa ‘Special Program’

Ang Pag-Ibig Fund Board of Trustees, sa pagpanguna sa ilang Chairman nga si Vice-President Jejomar Binay, milig-on na sa Special Program alang sa mga miyembro niini nga naapektohan sa bagyong Yolanda.

Ang maong programa naglakip sa mosunod:

1) Private-public partnerships kauban ang mga top developers sa mga developing housing projects sa nasud;

2) Interest-free home rehabilitation/reconstruction loans alang sa unang 6 ka buwan sa loan ug ang subsidized interest rates alang sa mosunod nga 1.5 ka tuig;

3) 6 ka buwan nga grace period o lugway alang sa bag-ong calamity loans;

4) 6 ka buwan nga moratorium sa amortization payments alang sa existing housing loans lakip na usab ang short-term loans sa mga apektadong miyembro.

Kining maong special program maoy dugang sa regular nga programa nga nag-kompleto sa Special Package nga gitanyag sa Pag-Ibig alang sa mga miyembro niini.

Lakip niini ang calamity loan nga adunay 5.95% interest per annum ug ang assistance sa claim insurance proceeds alang sa mga nangagubang balay sa mga adunay existing housing loans.

Kining tanan maoy pagtuman sa mando ni Binay nga angay nga ang Pag-Ibig adunay mahinungdanong papel sa pagtabang sa mga miyembro niini nga apektado sa bagyo sa pagbangon og balik.

Tungod niini, ang Pag-Ibig migahin sa kinatibuk-ang P15 bilyones alang sa mga dapit nga nasabak sa bagyong Yolanda.

Migahin usab ang Pag-Ibig og P5.5 bilyon alang sa pag-ugmad sa mga proyekto sa pabalay ug home loans alang sa mga piniling lugar.

Agi og tabang sa buhatan sa mga miyembro niini sa pagbaton og salapi alang sa uban pa nilang panginahanglan, migahin usab sila og P5 bilyon alang sa calamity loans nga adunay ubos nga interest rate nga 5.95% per annum.

Dugangan kini sa ilang P4.5 bilyon nga pondo alang sa regular home financing program alang sa Kabisay-an, alang sa ilang mga miyembro nga buot manghulam og labaw pa sa P450,000 aron sa pagpatukod og balik sa ilang balay.

Kini nga programa nagtinguha nga makatabang sa 720,000 ka miyembro sa Pag-Ibig.