Pasangil nga ‘Over-Pricing’, Wala Makatandog sa NFA-7

Wala maapektohi ang mga kadagkuan sa National Food Authority (NFA-7) sa laing alegasyon nga gihimo ni Bayan Muna Representative Neri Colminares, kinsa mipasangil nga gi-“over price” kuno ang mga sinakong bugas nga gipamalit sa Pilipinas gikan sa nasud sa Vietnam.

Ang tigpamaba sa NFA-7 nga si Ma. Lucia Rosales nagkanayon nga ang ilang buhatan walay kalambigitan sa proseso sa pagtugot sa gidaghanon sa rice importation sa nasud.

Kini tungod kay ang ilang ulohang buhatan man ang nagbuot sa pamalitong bugas gikan sa gawas pinaagi sa NFA council nga gilangkoban sa mga opisyal sa National Government Agencies.

Apan iyang gitataw nga ang ilang buhatan maoy usa sa nga nagtukod og mga bodega sa minetriko tenolada nga bugas humay nga kinompra gikan sa nasud sa Vietnam nga maoy gitagana alang sa Central Visayas niining tuiga.

Nasayran nga si Cong. Culminares miakusar nga gi-overpraysan ang balor og P1.4 bilyones nga rice importation sa NFA gikan sa Vietnam busa angay kini nga imbistigahon.

Samtang giklaro usab ni Rosales nga wala silay katungod sa pagsusi sa giingong negosyante sa Mandaue nga nalambigit nga rice smuggling pinaagi sa paggamit og mga kooperatiba sa mga mag-uuma alang sa pagkuha og rice importation permit.

Image Credit: www.inquirer.net