Kagamhanan sa Mandaue: Dugang Mailhan ug Mas Mapalambo pa ang Syudad

Gipaluyuhan sa lokal nga kagamhanan sa Mandaue City ang usa ka proyekto nga naglayun nga labi pang mailhan sa mga mulupyo ang ilang siyudad.

Matud pa ni Mayor Jonas Cortes, usa kini sa mga paagi arun mas mapahibalo sa mga Mandauenahon ang saktong paagi sa pagpakig-ambit sa lokal nga kagamhanan.

“This is to promote integrity, accountability, proper management of public affairs and public property as well as to establish effective
practices aimed the prevention of graft and corruption in the government,” ingon si Cortes.

Charter Booklet

Usa ka Citizen’s charter handbook ang gimantala sa lokal nga kagamhanan diin mabasahan ang mga importanteng impormasyon lakip na ang kasaysayan sa lugar, mga offices ug departments sa gobyerno, mga heritage sites, simbahan, ospital, eskwelahan, mga pagkaon nga specialty sa Mandaue.

Mabasa usab sa maong booklet ang uban pang mahinungdanung kaalam mahitungod sa lungsod nga magsilbi isip giya para sa mga turista arun mas labing ma enjoy nila ang ilang paglibot-libot sa maong dapit.

Sa kadaghanan, adunay mga gilauman nga mga panaad ang mga politiko niadtong milabay’ng eleksiyon apan sa mga Mandauehanon, adunay evaluation sheet sa luyong bahin sa maong booklet diin sila puweding mohatag og grado basi sa sistema sa pamalaud ug serbisyo sa maong lugar.

Ang maong booklet aduna puy lugar diin makahimo og dugang mga kumento. Apan wala hinuon gilakip kung asa nga opisina sa city hall kini idunol inig human.

Napanghatag na sa kadaghanan ang maong libre nga booklet sa miaging semana ug sumala pa sa mayor, “I encourage everyone to get a copy of this handbook and get to know your local government more.”
Pagpahugot sa Siguridad

Kabantayan nga ubay-ubay ang mga naka han-ay nga mga proyekto ug buluhaton nga giplano sa administrasyon ni Cortes.

Usa niini ang hugot nga pagpatuman sa siguridad. Sa milabayng semana si Mayor Cortes nanaud og mga sticker sulod sa usa ka mall duol sa city hall inubanan sa mga kapulisan. Madasigun nga nakigtambaya ang mayor sa mga katawhan.

“Project yan ng Police Department in collaboration with the local government of Mandaue. Launching ng campaign nila against crimes. Tapos si Mayor ang pumili na dito ilagay kasi pinakamalapit sa City Hall eh,” pulong pa sa Sales Operations Manager sa maong mall.

Ang sticker nagpahimangno ngadto sa mga musulod sa establismento nga adunay mga naka install nga mga CCTV cameras sa maong mall, maong dili na masayun sayun ang pagbuhat og krimen sulod ug gawas sa maong lugar.

Pagkahuman sa pagpanaod og mga stickers, nanghatag usab og mga paypay nga adungay hulagway sa mga ‘most wanted’ nga kriminal sa Mandaue.

Kini adunay imprinta nga “PAGBANTAY SA MGA GIPANGITA SA BALAUD!” apil na ang katawagang numero sa Mandaue City Police Office. Wala lang hinuon gisuwat didto kung pilay madawat kung ugaling maka-arresto og suspetsado.

Image Credit: www.mandauecity.gov.ph