Sec. Bello Ngadto sa mga Nangita ug Trabaho, Ipa Susi ang PhilJobNet

Nag awhag si Labor Secretary Silvestre H. Bello lll sa mga nangita ug trabaho pagtanaw ug susi sa PhilJobNet alang sa mga job opportunities pinaagi sa pag rehistro on-line alang sa himoong “job matching.”

Ang PhilJObNet isip web-based job matching facility ug labor market information portal sa gobyerno adunay kapin sa 50,000 ka local vacancies.

Namahayag si Bello base sa report ni Bureau of Local Employment director Dominique Tutay nga ang top 10 vacancies sa PhilJobNet nagkinahanglan ug 822 ka mga call center agent, 402 ka staff nurse, 198 nga housekeeper, 180 ka private tutor, 180 ka quality analyst , 180 ka production worker, 180 ka cashier , 135 ka salesperson,125 ka drivers ug 100 ka accounting officer.

Mahimo usab nga mu adto sa Enhanced PhilJobNet System alang sa mas dali nga pag pangita ug trabaho matud ni Tutay.

Sa PhilJobNet makita ang listahan sa mga trabaho, livelihood projects, overseas jobs, training programs sa mga regional ug provincial nga buhatan lakip na ang overseas jobs, top hiring companies ug PESO Performance Monitoring System (PPMS) Sukad nalusad ang PhilJobNet adtong tuig 1998 naila na kini nga leading job search, job and skills matching portal sa Pilipinas. (lpp/PIA7/Negros Oriental)