Germany, Nanginahanglan og 200,000 Nurses Taman 2020

(PIA) — Nanginahanglan og 200,000 nurses ang nasod sa Germany taman tuig 2020.

Matud pa ni Department of Labor and Employment (DOLE) Kalihim Ro­sa­linda Dimapilis-Baldoz, resulta kini sa gihimong pakigpulong sa mga opisyales sa Germany aron iduso ang Triple Win Project ubos sa Philippines-Germany government-to-government hiring agreement sa tabang sa Philippine Overseas Employment Administration (POEA) Governing Board ug sa pipila ka pribadong recruitment agencies.

Sukad gilagdaan niadtong Marso 19, 2013 ang Triple Win Agreement, 222 ka Pinoy nurse na ang gidawat sa Germany, 128 niini ang gipasulod sa 14 ka employer samtang ang nahabilin gi-kumpleto pa ang ilang preparatory German language training sa Pilipinas.

Gitataw ni Baldoz sa German private sector ang mga patakaran sa POEA Governing Board, partikular ang Resolution No. 4, Series of 2016 sa pagdawat sa mga Pinoy nurse pinaagi sa pribadong sektor.

“These benchmarks, including the no placement fee policy, will be applied to the hiring of nurses by the German private sector as provided for under GB Resolution No. 4,” matud pa ni Baldoz.

Matud pa sa DOLE nga mas ganahan ang Germany og mga Filipino nurses kaysa sa ubang nationality tungod kay giingong “naturally caring and nurturing” ang mga Pinoy. (ecb/PIA7-Bohol)