Cebu City Local Job Fair Ipahigayon sa Barangay Lahug

Aron sa paghatag ug kahigayonan sa mga katawhang Sugbuanon nga nangita ug trabaho, ipahigayon sa kagamhanan ning dakbayan nga gipangulohan ni Mayor Michael Rama pinaagi sa Department of Manpower Development and Placement kon DMDP ang usa ka Local Job Fair karong Oktubre 10, 2015 adlawng Sabado ngadto Barangay Lahug Elementary School gymnasium.

Ang kalihokan salmutan sa kapin 30 ka mga lokal nga kompanya ug ahensya nga magtanyag ug gatosan ka mga bakanting trabaho. Magsugod kini sa alas-8 sa buntag ug molungtad hangtod sa alas-3 sa hapon. Gipaluyohan usab kini sa Department of Labor and Employment kon DOLE.

Giawhag ang tanan nga nangita’g trabaho sa pagsalmot sa maong higayon nga maghatag ug oportunidad nga makatrabaho. Giawhag usab ang mga aplikante sa pag-andam sa ilang resume.

Alang usab sa dugang kasayuran mamahimong motawag sa DMDP sa Telephone Numbers 253–9212 ug 254–4348 o mamahimong mobisita sa ilang buhatan nga anaa sa 2nd Floor sa Ramos Multipurpose Building, sa dalan F. Ramos ning syudad. (Cebu City Public Information Office PIO/Greggy Jiggs P. Senados)