News
Philippine Navy Nang-recruit og Aplikante
Sulod sa umaabot duha ka tuig, nagkinahanglan og dugang 4,000 ka bag-ong recruit ang Philippine Navy, sumala sa Philippine Information Agency(PIA)7.
Si Elvira C. Bongosa, tigpamaba sa PIA mikutlo sa pamahayag ni Flag-Officer-in-Command Vice Admiral Luis Alano kagahapon nga nagkanayon:
“Sa kasamtangan, angay unta nga adunay 100 ka recruit alang sa Naval Officer Candidate Course (NOCC) ug 900 usab alang sa Basic Seaman Course (BSC). Sa 2015, angay ingon niini usab ang ma-recruit nga gidaghanon sa mga mosunod nga tuig pa alang sa dugang nga kawani sa Philippine Navy,”
Sumala ni Bongosa nga gusto ni Alano nga ang mga kabataan nga gustong mo-alagad sa Navy mahimong mo-apply sa mga operational command sama sa Naval Forces Northern Luzon sa La Union, Naval Forces Southern Luzon sa Legaspi, Naval Forces Central sa Cebu, Naval Forces West sa Palawan, Naval Forces Eastern Mindanao sa Davao ug Naval Forces Western Mindanao sa Zamboanga.
Gani sa mga interesadong mo-apply sa Navy, kinahanglan lamang magdala sa ilang transcript of records, NSO (National Statistics Office) authenticated birth certificate, diploma, NBI (National Bureau of Investigation) clearance, ug 2×2 picture, dugang ni Bongosa.
Gawas niini kinahanglan usab nga Piipino nga may edad 21-28, walay asawa, nakalampos og 4 ka tuig nga kurso sa kolehiyo, adunay gitas-on nga 5’0”, walay kaso sa korte o bisan asang buhatan sa gobyerno, adunay maayong panglawas, walay problema sa pangisip ug angay makapasar sa eksaminasyon, nagkanayon sa Bongosa.
Image Credit: asianjournal.com
