News
Kaso sa Dengue sa Cebu City Misaka
Gikan sa buwan sa Mayo hangtud sa Hunyo karong tuiga, adunay kapin 400 ka kaso sa dengue ang natala sa Cebu City.
Matod sa Cebu City Health Department (CCHD) adunay 422 ka indibidwal ang na-igo sa dengue lakip niini ang 13 ka namatay sa sakit.
Si Dr. Jeffrey Ibones, head sa CCHD, nagkanayon nga ilaha nang gipahibalo ang mga local officials haron mag-activate na sa ilang mga anti-dengue measures para mapugngan pa ang pagsaka sa mga kaso sa dengue.
Ang dengue usa ka sakit nga gikan sa paak sa lamok ilabi na ang female Aedes aegypti.
Ang mga sintomas sa sakit nga dengue mao ang taas nga hilanat, labad sa ulo, kakapoy sa lawas, pagsakit sa joint ug muscles, pagsuka, ug skin rashes. (ASC)
