‘Botante Adunay 36 ka Adlaw para Rehistro’

Subling gipahinumdom sa Commission on Elections (Comelec) nga adunay nahabiling 36 ka adlaw na lamang para sa mga bag-ong botante aron makaparehisto alang sa nagsingabot nga national elections sa 2016.

Matud pa sa tigpamaba sa Comelec nga si James Jimenez, Mayo 6 ang gitakdang katapusang adlaw sa pagparehistro sa mga bag-ong botante nga may edad 18 anyos pataas ug sa mga wala pay biometrics.

“Registered voters without biometrics, new voters aged 18 and up; and everyone wanting to update their voter records, 36 days na lang, May 6 na! Registration for Filipino overseas voting also begins on May 6, 2014,” matud pa sa twitter account ni Jimenez.

Nasayran nga mokabat sa walo ka milyong botante ang wala pa mipaubos sa biometrics apil na ang 2 ka milyon nga bag-ong botante, hinungdan nga nanawagan ang poll body sa mga hingtungdan sa pag-adto sa labing duol nga buhatan sa Comelec aron tarongon ang ilang rekord.

Image Credit: mycomelec.tv