Bag-ong Opisyales sa PERHOA Nanumpa Atubangan sa Mayor

Nanumpa atubangan ni re-elected Cebu City Mayor Michael Lopez Rama ang mga bag-ong opisyales sa Proper Ermita Residents and Homeowners Association kon PERHOA niadtong Biyernes sa gabii Hunyo 21, 2013, didto sa buhatan sa Mayor.

Gisapasalamatan sa Mayor sa Katawhan ang mga bag-ong opisyales sa ilang pagsuporta ug pagbulig niini sa milabayng piniliay niadtong Mayo 13. Ang PERHOA usa ka organisasyon sa Barangay Ermita nga adunay 420 ka mga miyembro ug natukod niadto pang tuig 1993.

Ang mga bag-ong mga opisyales niini mao ang mosunod: President – Roy Zozobrado; Vice President – Roy Epamto; Secretary – Jesusa Mojados; Treasurer – Bernard Tumundo; Auditor – Balver Cabigon; Public Relation Officers – Ermehn Rosas ug Virginia Ocaba; ug mga Board of Directors kon BOD –  Ricardo Calundag, Sofio Miral, Carmela Aupe, Visitacion Mata,  Eufemia Genson, Carolina Amosura, Marites Baguio, Marivic Gellicana, Emmanuel Zozobrado, Alfredo Pet Ferolino, ug Ehara Tonson.

Gidasig ni Mayor Rama ang mga bag-ong opisyales sa BMPC nga magtibangay alang sa kaayohan sa tanan ug motabang sa mga kalihokan sa dakbayan. Ang mga bag-ong opisyales moserbisyo sa organisasyon ug tulo ka tuig nga anaa nag-opisina sulod sa Ermita Barangay Hall.

Matod pa ni Roy Zozobrado, ang Presidente sa grupo nga tumong nila karon nga matitulohan ang ilang mga yuta ug maimpas na ug bayad. Dugang pa sa bag-ong Presidente sa PERHOA nga, “Aduna name 26 ka titles nga napagawas sa mga milabayng tuig ug karon target namo ang laing 65 ka mga titulo ug andam mi nga mosuporta sa mga proyekto ug programa sa dakbayan ilawom sa pagdala ni Mayor Mike Rama.”  (By: Greggy Jiggs P. Senados, PIO Staff)