3,251 Ka Proyekto Ang Nahuman Sa DSWD Kalahi-CIDSS

Sud sa 60 ka tuig nga naningkamot ang DSWD nga mahimong kaabag sa mga kabus sa pagkab-ot sa hapsay ug malinawon nga pagpuyo. Padayon kini sa paghatud sa paspas ug maamumahong serbisyo ug programa sa mga pamilya ug sa komunidad sama sa DSWD Kalahi-CIDSS.

Ang DSWD Kalahi-CIDSS nga nagpasiugda sa Community Driven-Development (CDD) nagmalampuson tungod sa mga katawhan nga nagtambayayong sa pag lihok alang sa kalambuan sa ilang komunidad.

Hayahay na ang paglabang sa mga residente sa Brgy. Bulak, Dalaguete, Cebu, tugod sa footbridge nga hinimo sa mga Community Vounteers sa DSWD Kalahi-CIDSS.

Nikabat sa Php 4,542,180,746.90 ang nabubu nga pundo sa DSWD Kalahi-CIDSS alang sa mga proyekto niini sa 3 ka cycles. Kini nga kantidad nipundo sa 3,251 ka mga community sub-projects sa 91 ka munisipyo sa probinsya sa upat ka probinsya sa Rehiyon VII.

Ang mga proyekto naglakip sa karsada, daycare center, water system, Multi-purpose Building, health Station, Flood Control, footbridges ug uban pa.