Yuta Ipanghatag sa DAR Ubos sa CARP

Gipasalig sa gobyerno nga ipang-apud-apod ang tanang yuta ubos sa Comprehensive Agrarian Reform Program (CARP) sa dili pa kini matapos sa Hunyo.

Si Elvira C. Bongosa sa Philippine Information Agency(PIA)7, miingon nga gipasabot sa Department of Agrarian Reform (DAR) nga walay angay ikabalaka ang mga benepisaryo tungod kay nakalatid man sa balaod sa CARPER mga mahimong ipadayon ang pagpangapud-apod sa mga nahabiling mga yuta.

Sumala ni Bongosa nga gipahimutang na usab karon sa ahensya ang notices of coverage (NOC) alang sa kaping 4,000 ka landholdings.

Samtang gitakdang mohatag sa kalambuan sa implementasyon sa CARP dinhi sa lalawigan sa Sugbo ang lokal nga buhatan sa DAR sa sunod buwan.

Sumala ni Bongosa nga pagatambongan kini sa mga miyembro sa Association of United Development Information Officers in Cebu ug mga miyembro sa media nga ipahigayon didto sa ilang buhatan sa DAR Provincial Office, sa 2/F WDC Bldg. Osmeña Blvd., dakbayan sa Sugbo.