“Ukay-ukay” Jacket, Halin Atol sa Bugnaw nga Panahon

Gipunsisokan sa mga pumapalit ang mga baligya nga imported leather jackets nga gi-display sa lainlain nga mga “Ukay-Ukay Shops” aron magamit tungod sa grabe’ng katugnaw karon sa panahon.

Si Leah Baternal, kawani sa usa ka Ukay-Ukay shop diha sa dalan Colon, mitug-an nga ang ilang leather jackets gibaligya lang sa kantidad nga P400 mao nga daghan kaayo ang namalit.

Kadtong uban nga dili makaabot sa pagpalit basi sa mao nga presyo, mopalit na lang sa mga jacket nga panapton aron lang magamit pagsalimbong sa ilang kalawasan nga maiban-ibanan ang kabugnaw.

Hangtud karon padayong gibatyag sa katawhan, hilabi na sa kabukiran sa dakbayan sa Sugbo, ang grabe kabugnaw sa panahon nga milanat na og dul-an sa usa ka buwan. Nakabantay pud si Baternal nga adunay
daghang taga bukid nga nahimo nila nga customer og mipili gayud sa leather jacket.

Mga hayop sa kabukiran nagsugmoy na sa grabeng kabugnaw, ilabi na panahon sa sayong buntag mao nga daghan ang gikulbaan nga mga tawo na usab unya ang maapektahan sa katugnaw.

Basi sa mga batid sa panglawas nga ang subra kabugnaw moresulta nga ang dugo sa kaugatan dili na makasirkular sa lawas sa tawo og mao nga posible nga makamugna og kadaut.