Tulo ka Provincial Hospitals, May Bag-ong Chief Doctor

Ang Barili provincial hospital giduma na ni Dra.Rebeca Oksima, Balamban provincial hospital, ubos usab sa pagduma ni Dra. Margarita M. Lambo samtang si dra, Evelyn Yap mao ang rural health physician sa MJ Cuenco District Hospital.

Ang tulo ka mga labawng mananambal sa tulo ka mga nahisgutang tambalanan pormal nga nanumpa sa katungdanan ngadto ni Governor Jun Davide.

Ang gobernador daku og pagsalig nga sa tulo ka mga doctor nga maayong modumala sa mga tambalanan nga ilang gi-atiman.

Gibutyag usab ni Gov. Davide nga adunay pay kakuwangan sa mga empleyado sa mga provincial hospital. Apan iyang gitataw nga bisan pa niini, maalagaran gihapon ang tanang mga masakiton nga mahilandig niini.

Sumala pa niya nga mas daghan ang mga casual nga trabahante sa matag provincial hospital kun etande sa mga regular.