Task Force Batok Cybercrime, Gimugna sa DOJ

(PIA)–Usa ka task force batok sa nagka-daghang cybercrime sa nasud ang gimugna karon sa Department of Justice (DOJ).

Matud pa ni Justice Secretary Leila de Lima, pagatawagon ang maong grupo nga Prosecution Task Force on Cybercrime nga pangunahan nilang Senior Deputy State Prosecutor Theodore Villanueva ug Senior Assistant State Prosecutor Lilian Doris Alejo.

Apil sa mga kasong gunitan sa maong task force ang child abuse, business fraud ug network security.

Nahisulod usab sa cybercrime ang mga pagpanglapas sa Anti-Photo and Voyeurism Act of 2009, Anti-Child Pornography Act of 2009, Electronic Commerce Act of 2000, Access Devices Regulation Act of 1998 ug Anti-Wiretapping Law of 1965. (mbcn/ecb/PIA7-Bohol)

Image Credit: globalnation.inquirer.net