Suspect sa Pagpatay sa Pamilyang Koreano, Gikasuhan Na

●Matud sa suspetsado nakit-an na lang niya nga patay na ang mga biktima, mao nga misuway usab unta siya paghikog.

Wala g’yud motuo ang kabanayan sa tulo ka Koreano nga gipatay didto sa Barangay Maribago, Lapu-Lapu City nga ang dinakpan nga lain’g Koreano walay kalambigitan sa krimen.

Gani si Ahn Tae Joo, ang igsuon ug anak sa mga magtiayon nga Koreano nga gipatay, pwerte nga nakasiyagit ngadto sa suspek nga si Kim Se Wong, “Nganong imong gipatay!” pinaagi sa Kinoreyano nga pinulongan.

Si Kim gipasakaan na og kaso’ng Multiple Homicide didto sa piskaliya sa dakbayan sa Lapu-Lapu Lunes sa hapon human nga ang kapolisan nakakompleto na sa mga gikinahanglang dukomento.

Ang mga biktima, gipatay sulod sa ilang Korean restaurant didto sa Sitio Bagong Bayan, Barangay Maribago kaniadto’ng miagi’ng semana.

Pabilin hinuon nga gipanghimakaksa suspetsdao nga siya ang mipatay sa mga biktima nga naglakip sa iyang kapuyo ug mga umagad.

Matud ni Kim nga nakit-an na lang niya nga patay na ang mga biktima mao nga misuway usab unta siya paghikog.

Ang suspek dili gusto nga himoan og preliminary investigation ang iyang kaso mao nga diretso siya nga gitugyan sa Lapu-Lapu City Jail.