Sugboanon Topnotcher sa LET

Unom ka taga Sugbo ang nalakip sa mga topnotcher sa bag-ohay pa lang gipahigayon nga Licensure Examination for Teachers (LET) kaniadtong Enero 26.

Ang unom ka topnotchers migradwar sa lainlaing tunghaan dinhi sa dakbayan sa Sugbo.

Sila si Pauly Mariz Recio sa Cebu Normal University (CNU) ug si Rica Alessandra Young sa Cebu Technological University (CTU)-Main maoy nakakuha sa ika-lima nga lugar sa elementary level sa ilang average score nga 87.

Samtang sila si Mary Kenth Aceret sa University of Cebu (UC) ug si Jasson Singculan sa (UC-LM) ang nakakuha sa ika-walo nga dapit nga may average nga 86.40

Si Kristine Myrene Rose Sayre sa University of the Visayas (UV)-Main sa dalan Colon maoy nakakuha sa ika-siyam nga dapit sa iyang average nga 86.20.

Sa Secondary level nga pasulit, si Carla Mae Sumalinog sa University of San Carlos (USC) maoy nakakuha sa ika-napulo nga lugar sa iyang average nga 86.20.

Ang kadagkoan sa Professional Regulations Commission (PRC) mipahibalo nga sa 38,377 nga miapil sa LET, ang 11,120 mao ra’y nakapasar sa elementary level ug sa 42,358 nga mikuha og LET sa secondary level 12,033 lang ang nakapasar.

Electronics Engineering Board Exam

Sa laing bahin, si Dexter Nuevo sa University of San Carlos (USC) maoy usab ang nakabutang sa ika-upat nga dapit sa Electronics Engineering nga Board Examination sa average nga 84.70.

Matud sa PRC nga 907 lang ang mipasar sa Electronics Engineer Licensure Examination gikan sa 2,574 ka mga tawo nga mikuha.