SSS Mokolekta og Dugang P14 Milyones

Gipaabot nga makolekta sa Social Security System (SSS) ang dugang P14.4 milyones nga tinuig nga amot gikan sa siyam ka mga bag-ong na-akreditado nga kooperatiba nga kaabag na karon sa pagpangolekta sa amot gikan sa mga myembro sa SSS.

Matud pa ni SSS President and Chief Executive Officer Emilio S. De Quiros Jr., nga kining siyam ka kooperatiba may 90,377 ka mga myembro ug misaad na sila nga mopalista og 7,050 ka mga bag-ong sakop sa SSS matag tuig.

Miingon si De Quiros nga gihimo sa SSS ang tanang paagi nga masiguro niini ang tanan mga tawo, ilabi na ang adunay trabaho.

Gani midugang si De Quiros nga ang akredistasyon sa bag-ong mga kooperatiba maghatag og higayon sa ilang tagsa-tagsa ka lugar nga sayon nalang sa pakigtransaksyon sa SSS.

Niining bag-o ang nahilista nga kooperatioba mao ang Sta Cruz Savings and Development Cooperative (SACDECO) ug Sacred Heart Savings Cooperative (SHSC) in Ilocos Sur, Pintuyan National Vocational School Multi-Purpose Cooperative (PNVSMPC) in Southern Leyte, Pinoy Lingap Damayan Credit Cooperative (PDLCC) in Catanduanes.

Tubungan Employees Development Cooperative (TEDCO) in Iloilo, Alicia Neighborhood Multi-Purpose Cooperative (ALNEMPCO) in Zamboanga-Sibugay, Gata Daku Multi-Purpose Cooperative (GDMPC) in Misamis Oriental, Guadalupe Community Multi-Purpose Cooperative (GCPMC) in Cebu, and Alalay sa Kaunlaran Inc Multi-Purpose Cooperative (ASKI MPC) in Nueva Ecija.

Ang PNVSMPC sa Southern Leyte ug PDLCC in Catanduanes maoy gitugyanang mangolekta sa binuwang bayranan sa premium sa mga membro, bayranan sa loan ug uban pang bayranan ngadto sa SSS.

Gawas sa pagngolekta ang SACDECO, SHSC, TEDCO, ALNEMPCO, GDMPC, GCPMC, and ASKI MPC misaad usab nga motabang sa SSS sa pagpanawat ug paghimbis sa mga aplikante alang sa rehistrasyon, salary loan ug funeral claim.

Ang SSS, pinaagi sa matag account officer sa hingtungdang sangang buhatan, maoy maniid sa mga lihok sa naakreditado na nga mga kooperatiba aron masiguro nga ang tanan nilang koleksyon ikahatud dayon ngadto sa SSS.

Ang SSS andam usab nga mobansay sa mga kawani sa akreditado nga kooperatiba aron masayon nalang alang kanila ang pagpangolekta, ingon man ang pagpanawat ug pag-screen sa mga apikasyon alang sa rehistrasyon, loan ug claim sa namatyan.

Ang matag collecting partner agent sa SSS kinahanglang rehistrado sa usa ka ahensya sa goberno.

May gidugayon na kining tulo ka tuig sa negosyo, sa iyang pag-apply alang sa akreditasyon, rehistrado sa SSS ug maayo mobayad sa amot sa iyang mga membro ngadto sa SSS.

Kinahanglang may mga regular usab kining mga membro ug kinahanglang mopasar sa panginahanglang gipangayo sa SSS. Ang SSS nakalista na og 21 ka mga kooperatiba, association ug micro financiers nga nagsilbing kaabag sa pagpangolekta sa mga amotan ngadto sa SSS sukad pa sa tuig 2012.